Çka është gazeta elektronike?

Gazeta elektronike është njësoj sikur gazeta e shtypur në letër, por shpërndahet me postë elektronike (e-postë) në vend të postës.

Përparësitë në krahasim me letër

Gazeta elektronike ka përparësi të mëdha në krahasim me atë të shtypur në letër. Disa nga përparësitë janë këto:

• nuk ndotet ambienti, se nuk prehen lisat në pyje për prodhim të letrës
• nuk kushton asgjë për dërgim (ashtu kështu ju duhet të paguani për rrjet)
• është shumë më e shpejtë se sa shtypshkronja, lajmet janë gjithmonë të freskëta
• lejon që të hapen faqet tjera të cilat janë në interes të lexuesit dhe gazetës

Pse nuk përdoret gazeta elektronike aq shumë sa gazeta në letër?

• Shtypi në letër ekziston shumë më gjatë se sa interneti. Punëtorët e shtypshkronjës kanë dituri shumë më të madhe për gjuhë, kulturë dhe publik se sa programuesit nga teknologjia informative.
• Në shkollim të teknologjisë informative nuk i kushtohet fare rëndësi gjuhës së shkrimit, sikur në shkollimin për gazetari ose shtypshkronjë.
• Pronarët e gazetës frikohen nga gabimet gjuhësore në gazetë elektronike, sepse ato gjenden lehtë nga programet e kontrollit të drejtshkrimit shqip. Letrën nuk e ruan askush dhe nuk ka kohë të ankohet për gabime.

Gazetë elektronike apo gazetë në letër?

Shumë e thjeshtë është përgjigjja: krahasoni dobinë që keni ju dhe/ose lexuesi.

Për shembull në Prishtinë obligohet për të gjitha gazetat shqip që lajmërimet nga qeveria të botohen në tre gjuhë, pa marrë parasysh se shkruhen vetëm për lexuesin shqiptar dhe blihen vetëm nga ai.

Kur unë e pyeta një pronar të gazetës atje për këtë çmenduri të panjohur në botë në të njëjtën gazetë, ai u përgjigj: " ... q.m.n ... po më vjen inati se nuk po obligohen katër, se nuk po mbushet faqja kollaj me tre gjuhë, se treshi numër tek".

Nëse ju e besoni këtë filozofi manipuluese dhe respektin e këtillë për gjuhën e blerësit të gazetës suaj, natyrisht se duhet të vazhdoni me shtypje në letër dhe patjetër të pengoni arkivin e lajmeve të botuara më herët.

Përmbajtja e gazetës në letër nuk shihet para blerjes sikur në gazetën elektronike me mundësi krahasimi me gazetat e më hershme të dërguara. Blerësi ende ka shpresë se mund të lexoj diçka me rëndësi nga trashësia e faqeve.

Si mund të dërgohet gazeta elektronike?

Gazeta elektronike mund të dërgohet në formatin HTML, me ndihmën e programeve të postës elektronike.

Kush mund të krijoj për ju gazetë elektronike?

Në internet ka shabllone të shumta falas të gazetës elektronike dhe programe për këtë qëllim, por më së miri është që krijuesi i faqeve tuaja të uebit të ju dërgoj juve një shembull me të njëjtin stil sikur faqet e sajtit tuaj në ueb.

Këtu tek Porta tregohet një shembull i thjeshtë i krijimit të gazetës elektronike me gjuhën HTML.