Porta shqipe | Mësime për programin Adobe Photoshop

Adobe Photoshop

Prerja e fotografisë sipas formës

Për këtë mësim duhen dy fotografi të ndryshme: një fotografi për sfond dhe fotografia e cila duhet të prehet në formë.

Ti mund të klikosh në secilën fotografi tek ky mësim për zmadhim të pamjes. Për fillestarë gjithashtu sqarohet posaçësht kuptimi i fjalëve të përdorura. Kliko në hiperlidhje për ta hapur ose për ta mbyllur sqarimim.

Të lutem ruaje natyrën! Mos e shtyp këtë mësim në letër pa nevojë.

1Krijo një dokument të ri me tre shtresa. Shtresën e parë quaje “sfondi” dhe shtresën e dytë “zemra” (ose forma tjetër të cilën dëshiron ta përdorësh) dhe shtresën e tretë “martesa”. Mos harro se emri i shtresës ka rëndësi. Programet grafike e lexojnë këtë emër dhe duhet të jetë logjik dhe jo shtresa1, shtresa2, etj.

Në programet grafike shtresat (anglisht layers) mundësojnë që objektet të vendosen mbi njëra tjetrën. Tek programi Adobe (Adobi) Photoshop (fotoshop) shtresa mund të shtohet me kombinimi e pullave të tastierës “Ctrl+Shift+N”, ose duke klikuar në menu në Layer > New > Layer

Kur krijohet një dokument të ri me Photoshop gjithmonë shtresa e parë quhet Background dhe është e kyçur. Kjo shtresë mund të hiqet vetëm pas shtimit të një shtrese tjetër. Për të hequr shtresën e parë (nëse ju pengon), pas shtimit e shtresës së re, klikoni me pullën e djathtë të miut në shtresën e parë dhe pastaj në Delete.

2Vendose pamjen e sfondit në shtresën e parë

3Vendose formën për prerje në shtresën e dytë (më lartë se shtresa e parë).

4Vendose fotografinë në shtresën e tretë (më lartë se shtresa me formë). Pasi që shtresa e tretë është mbi shtresat tjera nuk shihet, kjo i mbulon pamjet tjera dhe nuk mund të shihet më forma e vizatuar. Për të fshehur fotografinë në shtresën e fundit kliko në syrin në anën e majtë të shtresës. Kështu duken shtresat tani në Photoshop

5Kliko me pullën e djathtë të miut mbi shtresën (fotografinë e vogël tek shtresa, sikur që tregohet në imazhin më poshtë) dhe tek lista e menysë së hapur kliko në "Create Clipping Mask"

Tani fotografia nuk është prerë në formën e krijuar në shtresën e dytë, por vetëm tregohet përmes shtresës së dytë. Kjo mjafton për efektin për këtë mësim. Në vend të formës së përdorur këtu mund të përdorni edhe tekst. Format (shapes) mund të shkarkohen nga interneti. Këtu është përdorur forma e gatshme nga Photoshop tek pajisjet e vizatimit.

Për të hapur gomën shtype pullën E nga tastiera (për Eraser) ose kliko në pullën me gomë tek shtylla me pajisje të punës. Për të ndërruar madhësinë kliko tek vetitë e gomës, sikur që tregohet këtu.

Ky është rezultati i prerjes në formë. Gjithashtu e kam përdorur këtu një kopje të formës së zemrës në një shtresë tjetër përfundi zemrës me maskë dhe për këtë shtresë e kam përdorur errësirën (opacity) 80%.